本文重點
呢個世界真係乜嘢人都有，有人鍾意玩車、玩女人，亦有人鍾意睇書睇電影，但鍾意玩膠衫嘅亦都唔少。而英國倫敦將會喺下個月嘅十一至十三日，舉辦一個名為「Skin Two Rubber Ball Weekend」嘅膠友派對，讓好此道者能聚首一堂玩餐飽！
內容豐富
根據大會資料，原來呢個膠友會今年已經係第十八屆，每次都喺酒吧舉行。為豐富派對內容，當晚除咗有模特兒行天橋外，仲有各種情色表演，包括艷舞騷、火辣雜技表演等。
至於門票方面，單人入場費為五十英鎊，折合約為六百港元，而雙人票則為九十英鎊，大約係一千零八十港元，老實講都幾乸脷！另外，大會規定入場玩家只能穿着膠衫入場，否則會被拒諸門外。如果有興趣嘅話，可以登入派對網頁，查看詳情。