以禮待人

當晚我去咗「Cheers Lounge」，發現全場爆滿，突然有種安慰嘅感覺，事關喺赫德道雖然有唔少酒吧，但由於近年市道麻麻，真係好耐冇見過呢種人山人海嘅場面。而喺酒吧採訪時，更認識咗Waitress細B及Promoter B女，佢哋話喺酒吧工作，令佢哋學到唔少嘢。

Waitress細B話喺酒吧工作，令佢學識唔少待人接物嘅技巧。	吧內人山人海，氣氛好好。	場內有唔少靚女，我就捉咗其中三個影相留念。

做得酒吧Waitress，要識得以禮待人，因為服務性行業，以客為先好重要，細B話：「我好珍惜每個客人，所以對佢哋好有禮貌，就算客人無理取鬧都唔可以硬碰，因為咁做只會令人更反感。」此外，喺細B心目中，同同事溝通亦好講技巧，佢話：「要同事對自己好啲，就要唔好計較，咁樣關係自然會好！」

做事主動

除咗人際關係技巧外，唔知仲有乜嘢計仔可以突出自己嘅工作表現呢？Promoter B女就話：「做嘢主動啲，唔好怕蝕底，已經OK。」難怪採訪當晚B女好似冇時停咁啦，又要落單、又要出酒，對所有客人都有問必答，笑面迎人，有啲咁醒目嘅員工，難怪生意咁好啦！