賤價頂爛市

早排政府提議引入內地家傭，有團體擔心，咁做會削弱本地家傭嘅生存空間。查實夜遊界早就已經外傭氾濫，除咗北姑，仲有泰妹、越南妹、俄妹等「外傭」。佢哋有冇削弱陀地嘅生存空間，令我哋收入減少？喺高檔地區就冇嘅，但如果係啲平民區嘅話，陀地個價會冇咁爛，所以唔多唔少都有影響。不過陀地同聲同氣，令玩家有種親切感，所以質素差唔多的話，啲客多數都會揀番我哋嘅！

綽號：露暈娜

簡歷：援交妹出身，畢業後投身馬交夜場，現職夜總會公關。

北鴨搶生意

外傭入侵鴨界其實唔係新鮮事，泰鴨、菲鴨同北鴨，差唔多佔咗鴨界九成，而當中北鴨嘅人數佔最大比例！雖然佢哋唔係好識講廣東話，但因為佢哋年輕力壯，身形又生得比陀地鴨高大，最重要就係佢哋外形夠俊朗，對一班阿太有着極大吸引力！加上佢哋嘅肉金又唔算貴，真係搶咗唔少生意o架，咁我哋惟有操弗啲，先搵到餐晏食。

綽號：少爺Joe

簡歷：有正當職業，因投資失利，晚間於俱樂部當兼職牛郎。