提起童顏巨乳，相信好多人都會即時諗起台灣嘅瑤瑤（郭書瑤），又或者日本水着天后星野亞希，但家吓網絡上最紅嘅爆乳正妹，其實係Elly！呢位美國籍越南裔索女，擁有35E上圍，相當「胸」猛o架！
誤為日本人
索女全名叫Elly Tran Ha，佢嘅性感自拍照於網絡流傳後，隨即爆紅。出生於越南胡志明市嘅佢，係一名中越混血兒，幼年於越南生活時，已拍過多個廣告。
○六年時，Elly與母親及弟弟移居美國，於新澤西讀高中，由於佢擁有亞裔面孔，加上35E嘅火辣身材，令佢一時間成為全校嘅風頭躉，並一度被人誤會係日本人！現時，Elly是其母親名下廣告公司嘅合約模特兒，主要接拍廣告。
懷疑打假波
雖然Elly貴為新一代網絡紅人，但人紅自然是非多，早前就有人於網絡爆料，話Elly「打假波」，仲有相為證。據圖片背景估計，相片係早年拍攝，縱使其上圍比其他同學突出，但有冇可能喺數年內發育得咁快呢？若然Elly雙峰純屬天然，並冇後期加工的話，睇嚟佢好應該公開一下豐胸心得，肯定大把女人爭住學。
Elly Tran Ha's Profile
三圍：35E-23-35
身高：5呎5吋半
體重：47kg
血型：A型