近期有個MV喺網上熱爆，點擊次數於短短兩個星期直衝二百萬！呢段名為《錯洞》（Wrong Hole）嘅MV故事講述一名宅男成功溝女上床，但係由於燈光太過昏暗，所以誤入女方嘅後花園，事後宅男好內疚，以為女方會嬲爆唔睬佢，點知原來女方鍾意呢種玩法，仲決定以後同宅男一齊享受箇中樂趣。由於呢個MV拍得專業又惹笑，男女主角又唱得，因此成為網友熱捧MV。當然，MV最好睇莫過於女主角Taryn Southern喇！Taryn樣子甜美，身材索爆，有網友更起佢底，發現今年二十四歲嘅Taryn曾經參加過美國超偶選舉，後來成為歌手，仲踏過格林美音樂大獎嘅紅地氈添！唔怪得唱歌咁好聽啦！