當日記者到現場採訪所見，六成入場嘅人士都係電車男，佢哋嘅架生齊備，就算企到好遠，一樣可以影到黃金咲同模特兒嘅大特寫，而進行內衣騷、制服騷同肚兜騷時，更圍住猛影。有啲甚至爬高嚟影，相當危險，搞到工作人員出嚟驅趕。

另外，亦有唔少一對對嘅年輕情侶入場，佢哋唔會逼去睇騷，反而十分悠閒地去睇商品展覽，心情就同去百貨公司一樣，一啲都唔會尷尬同怕醜。

喪買內衣

有冇單身女子入場呢？原來一樣有唔少，佢哋年齡大多數係三十歲以上嘅中女，佢哋主力狂掃性感內衣同情趣用品，一發現有新產品就會拿上試玩，唔少中女入場三小時唔夠，已經大包小包咁離開，真係滿載而歸。

黃金咲Profile

全名：黃金咲千尋　年齡：31歲

三圍：33-23-36　　身高：167cm