裸體企街

較早前，有身處廣東雷州嘅內地網友表示，行街時發現有位妙齡女郎剝光豬企定定任人睇，裸女於街頭出現，其行徑已令人咋舌，而更奇怪嘅係，裸女旁邊居然仲圍咗一班民工自顧自咁食飯盒！但係班民工雙眼又唔會望住個裸女喎！有民工事後透露，原來該位裸女自稱玩緊行為藝術，除咗自己剝光豬之外，仲出錢請班民工食飯，代價就係要佢哋做人肉布景板，佢哋可以食飯盒，但係就唔可以目不轉睛咁望實佢！事後，大班網友狂插裸女有傷風化，其行為絕無藝術可言！另外亦有網友打趣咁表示，餐飯可能太過難食，所以要搵個裸女嚟送飯咁話喎！