唔好話我潑冷水，記得舊年馬交賽車差啲搞唔成，一時話有車隊因財政問題退出比賽，跟住又話贊助商縮沙，連車迷都因為投資失利冇心機去睇賽車，難怪夜場負責人都話前所未有咁難捱。經歷一片愁雲慘霧，今年終於見到些少曙光，係咪真正復甦就言之尚早，但既然澳門賽車繼續舉辦，夜場又點會揸流攤吖，一於玩大佢！

想搵長腿麗麗陪你鍊番轉，就要過×澳搵佢喇！	×龍嘅小燕人靚波正，望落十分養眼！	彩冰呢個趴地甫士，好有睇頭喎！

四場惡鬥

以往喺賽事進行期間，馬交四大夜場，中×城、×龍、×城同利×夜總會無論裝修布局同囡囡制服都大致一樣，為免令人客有厭悶感覺，負責人表示，四大場今年一定要鬥到底，同集團都冇面比！

身形高挑纖瘦嘅麗麗，長駐×城陪客砌車！

中×城三位代表彩冰、菲菲同Kitty都話好有信心贏得賽車女郎比賽喎！

嘩！咁即係自相殘殺啫？負責人G哥話：「唔好誤會，所謂有競爭先有進步，咁做無非都係為人客着想，雖知道我哋集團旗下有四間夜總會，大家服務一式一樣，又點吸引到客人回頭幫襯呢？所以我哋想做到人客試完一間再一間，樂此不疲！」

激送大禮

咁今年有咩吸引客人先？負責人話見經濟啱啱有起色，客量未重回正軌，因此夜場首要集中送禮，其次係囡囡服務，最後至輪到玩法。負責人G哥又解釋：「有禮收人人開心，今年會係最大手筆嘅一次，顧客凡買兩張茶舞、兩張晚舞或一張子夜舞套票，即送賽車精美禮品，入場開指定洋酒，又送限量版賽車戰衣。至於大抽獎就最巴閉，暫定有十萬蚊集團消費簽帳額，如反應熱烈嘅話，集團會再加碼。二獎係潮流電子產品，就連安慰獎都有手提電話送，你話係咪筍先？」

估中免費

假如畀我中到頭獎就爽囉。至於講到服務，梗係要問吓駐場嘅中×城夜總會PR啦，靚女Kitty為咗是次盛事，於九月已開始為新服務操練，集團更喺日本風俗店請嚟「教練」地獄式培訓，由斟酒到入房細節都一絲不苟，真係唔講得笑，想知有幾「Pro」，梗係要自己幫襯體驗啦！

不過睇賽車冇賽車女郎就硬係差咁啲，所以集團決定搞個四場賽車女郎選舉，每間場派出三位代表，人客選中三甲位置又被抽中的話，就可以同冠軍囡囡免費共度一宵，等我又估吓先！