講起以情慾為題材的美國電視劇，相信大家第一時間會諗到《靚太唔易做》、《色慾都市》，這些劇集雖然談情說性，但係床上戲卻只是點到即止，唔似得這部由大衞杜楚尼（David Duchovny）主演嘅《Californication》（中譯：加州靡情）嚟得咁到肉。
憑着《X檔案》莫探員一角而走紅的杜楚尼今次飾演Hank Moody，一個既失婚兼失意嘅小說家，面對前妻、親生女、生意拍檔等關係嘅同時，沉溺在充斥着酒色性愛的糜爛生活。除了床戲外，片中更充斥大量女性裸露鏡頭，還有露點、愉虐，甚至女性高潮時嘅面部特寫等，極具爭議性，雖說美國的收費電視劇尺度一向較寬鬆，但《Californication》絕對是挑戰道德觀念之作！
《Californication》在美國於二○○七年首播，至今已是第三季，網上已有大量盜版任睇。若唔想犯法，本地的收費電視正在播放第一季劇集，大家不妨挑戰吓自己的底線！