早前有一個啤酒廣告講述一間屋嘅男女主人各有所好，太太將其中一間房裝修成特色衣帽間，令姊妹開心到尖叫。而丈夫就將另一間房裝修成啤酒冷藏庫，搞到成班兄弟比女人叫得更加瘋狂。以下呢位仁兄想有樣學樣，雖然佢間屋未必大到可以另闢一間啤酒庫，但一樣收到驚喜效果。
1.型男阿豪屋企大裝修，今日佢捉住裝修師傅，同佢講吓自己嘅設計意念。
2.阿豪表示想整一間房，一打開房門就會令班兄弟尖叫，好似某牌子嘅啤酒廣告咁。
3.經過一段時間裝修之後，阿豪滿心期待咁打開房門，睇吓有乜驚喜先。
4.唔知係咪裝修師傅會錯意，打開房門之後，房裏空洞洞的，只係得個雪櫃。有冇搞錯呀？
5.阿豪問裝修師傅有咩咁特別，師傅就話：「唔使心急，真係會有驚喜o架！」
6.阿豪為咗驗證，決定約晒成班老友上嚟，點知見到個雪櫃居然會自動行出廳，好高科技喎！
7.但係，高科技產品度度都有，驚喜略嫌不足，點知雪櫃突然喺班兄弟面前自動打開！
8.一眾男士當堂開心到嘩嘩聲，因為雪櫃入面一樣放滿冰凍啤酒！其實，開心就係咁簡單！