天淵之別

搵嚟有長安蒲精之稱嘅安哥了解一下，佢話：「其實同好多地方一樣，喺創業期老闆同員工上下一心，希望做出成績，所以服務會特別好，例如侍應個個都好醒目，落柯打唔會漏單，就算客人唔畀貼士，都四萬咁嘅口，唔會畀面色客人睇。但係當生意上咗軌道之後，服務態度就會唔同晒，不但冇招呼，唔畀貼士仲會黑口黑面。」

至於經理同主任方面，安哥就話以前佢哋禮貌周周，由房送到大堂門口都會先生前先生後咁稱呼客人，而且簽酒絕不手軟，安排囡囡更係換到客人滿意為止。但家陣佢哋就獅子咁大個鼻，雙眼生喺額頭，唔再簽酒之外，囡囡更冇得換，簡直係天淵之別。

囡囡呃鐘

講到囡囡嘅服務態度，安哥話：「以前有規有矩，囡囡劃一收費，唔會多收貼士，但家陣成日呃鐘，陪坐二十分鐘就過枱走人，上到房又乜花式都唔玩，要玩就額外收費，臨走前仲要攞的士錢。」

咁點算好呢？安哥就話：「我建議平日先去玩，招呼會比較好啲。不過，佢哋只會招呼貴賓客，對於攞慣着數嘅港客，就完全當佢哋透明。所以長遠嚟睇，都係轉換地方玩啦！」