平時去旅行，大家都比較少踏足阿拉伯國家，不過只要玩吓本年度日本H-game界嘅超級大作《白光的華露舒亞 What a beautiful hopes》，就可以感受到阿拉伯嘅色香味！本作屬於年度RPG大作，故事講述一個封閉咗一千年嘅國家華露舒亞開放之後，先進科技由外地國家傳入，改變其文化，而國民亦勇於外出探索未知嘅世界，漸漸仲發現外面世界嘅地下迷宮潛藏咗好多恐怖異生物。主角亞舒羅就利用先進科技同其他人一齊進行冒險，故事從此展開！
遊戲主要玩法係角色扮演，大家要控制主角四圍探索，戰鬥時就轉換畫面揀指令攻打敵人。去迷宮搵到寶物後，可以用嚟兌換金錢再買先進科技產品協助戰鬥。畫面充滿阿拉伯色彩，配合埋帶阿拉伯風情嘅配樂，令大家猶如置身阿拉伯世界當中，再睇埋入面女角嘅性感胴體以及交歡場面，真係和味！
系統支援：Win98SE/Me/2000/XP/Vista
預定發售日：11月20日
預定發售價：8,800日圓（約HK$757）