喺歐美四仔界有唔少脫星恃寵生驕，皆因名利得來太易，沖昏咗頭腦。好似Lux Kassidy咁走紅之後，態度囂張，搞到神憎鬼厭，結果冇導演搵佢拍戲，人氣大跌後，阿妹至識驚，於是公開道歉，希望挽回頹勢。
現年二十六歲嘅Lux Kassidy，初出道時星運平平，只飾演啲二、三線角色。直至一個大型性博覽活動上，Lux Kassidy被大會邀請擔任客席主持，憑住出眾口才同反應靈敏，令人對佢刮目相看。自此之後，阿妹大受歡迎，人氣急升，片約一部接一部，後來更喺美國成人奧斯卡頒獎典禮上奪得獎項，奠定一姐地位。
呼喝工作人員
Lux Kassidy事業如日中天，漸漸恃寵生驕，拍戲時態度囂張，經常對工作人員呼呼喝喝，一旦唔滿意，就會大吵大鬧，有時心情唔好，更會玩失蹤唔拍戲，搞到神憎鬼厭。連一啲脫星都睇唔過眼，公開指摘阿妹，話佢待人接物好差，成日扮大牌兼擺款，實在太過分，更拒絕與阿妹同場演出。
由於Lux Kassidy得罪人多稱呼人少，結果冇導演搵佢拍戲，日日坐喺屋企無所事事，令佢人氣即時大跌。
道歉請求原諒
呢個時候，Lux Kassidy終於識驚，為咗挽回頹勢，阿妹公開道歉，佢話：「當時我被名利沖昏咗頭腦，以為自己高高在上，當工作人員係阿四，不但點佢哋做嘢，仲成日呼喝佢哋，完全冇理過佢哋嘅感受，我真係覺得自己好唔啱，希望大家原諒我同畀次機會我，我會好好珍惜，專心拍好戲，幾激嘅題材我都願意接拍。」
唉！早知今日，何必當初，Lux Kassidy經過教訓後，希望佢會重新做人，拍多啲好戲畀四仔迷睇啦！
Lux Kassidy's Profile
年齡：26歲
三圍：36D-24-34
身高：5呎5吋