幫襯新鐵竇

究竟點解，搵嚟北行老大哥阿棕了解一下，阿棕表示：「照我收風所知，兩個可能性都有。早前嘅嚴打行動中，有啲地方做到好成績，得到上級嘅表揚；但亦有啲地方交唔足功課，於是趁呢段時間再度出動，做多少少成績返嚟向上級交差。」如果係咁樣嘅話，依家港人北上尋歡咪好危險？棕哥話：「所以我建議大家再忍多一陣，唔好北上玩住，否則隨時被拉。」

唔怪之得咁多內地朋友唔出嚟玩啦，睇嚟佢哋一早收晒風。棕哥話：「係呀！尤其係一啲被執法部門列入黑名單嘅夜場，內地人一定唔去，家陣佢哋轉晒去幫襯新鐵竇。」

囡囡多放假

棕哥繼續話：「其實家陣北上玩樂都唔係適當時候，皆因好多囡囡仲放緊假未返工，而港人一窩蜂咁衝上去玩，根本唔夠囡囡供應，咁邊好玩吖！」

最後棕哥建議，如果大家真係要北上玩樂，就咪去啲黑名單夜場，情願去遠啲地方玩，例如東莞會比較安全，總之愈少港人，愈多內地人去玩嘅地方，就愈安全。不過，計我話呢段時間都係博唔過，橫掂都忍咗一百日，唔爭在忍多一陣啦！