面相學中，最先要學識睇嘅，並唔係眼耳口鼻，而係睇頭形，因為頭嘅形狀大小，可以從中睇得出呢個人嘅「根器」（品德與人格），富貴貧賤一目了然，仲連床上表現都一樣睇到。如果頭有兩角必有官祿，額角飽滿就必做大人物，喺床上亦會表現超群。
如果頭形短而圓，即係頭頂腦門稍平，呢種人做事急進，但憑個人努力，總會有發達，但冇貴氣，唔會大權在手，做老闆亦最多得幾個夥計；性生活方面一樣十分心急，唔會理會性伴嘅反應。如果頭形圓大，即前額、頂門、後枕等都生得飽滿，則代表頭腦精明，而且富貴兼備，手下大把人幫手搵錢；而喺性生活上，有活力之餘又懂享受，同伴侶間嘅性生活會十分美滿，唯一可惜嘅係，仲有餘力出外照顧埋其他女人，做佢老婆一定要睇緊啲喇！