香港地方太細，可以興建運動場嘅地方就更少，連足球同籃球等受歡迎運動都缺乏場地，更何況係棒球又或者係滾軸溜冰呢？而講到滾軸溜冰，外國唔單止可以提供大型場地畀公眾任玩，而且仲有地方畀大家一齊剝晒衫溜到夠添！
喺美國有好多天體愛好者，當中就有一班人熱愛滾軸溜冰，於是佢哋就聯合起嚟，組成裸體滾軸溜冰同好會，最鍾意喺光天化日之下，除晒衫褲享受天人合一嘅滾軸溜冰樂趣。當然，呢班滾軸溜冰發燒友都唔會隨便剝衫嘅，為安全起見，佢哋裸體之餘，都會戴上頭盔、護㬹、護膝等保護措施以免受傷，同時只會去到指定地方，例如係德州Sandpiper Resort、Hidden Valley Resort等天體愛好者勝地玩。順帶一提，二○○一年嗰陣，佢哋曾經喺三藩市發起咗一個裸體滾軸溜冰比賽，大收宣傳之效，吸引唔少人加入添！