男女主題專區

我帶咗佢去銅鑼灣一幢大型商場對面嘅樓上舖，貪嗰度款式多，入貨快，夠晒多元化。而且店主好體貼咁將店舖劃分成男女用品專區，各種貨品全部分門別類擺放，客人可以根據喜好慢慢挑選心水用品。

呢啲成人遊戲套裝喺其他地方甚少見到，價錢亦相當實惠，百幾蚊都有交易。	情趣內衣款式甚多，手工仲相當唔錯。	呢啲「情趣巫毒娃娃」又幾盞鬼喎！
有咗呢個如意棒測量尺，男伴有冇報大數，就一目了然啦！

Nancy入去後見到有個情趣衣物專區，即時行埋去睇，佢話啲內衣手工、質料都唔錯，返去後可以同班姊妹搞個情趣制服派對。聽到佢話要開Party，我即時介紹佢買啲情趣Game返去玩，可以用嚟提升派對氣氛。

針拮壞情人

之後佢見到一堆「情趣巫毒娃娃」，即刻話要買番幾個送畀朋友，每個公仔都有唔同嘅針對對象，分別有壞前妻、衰男友等，用嚟發洩對負心人嘅心頭之恨就最適合不過。

最終Nancy掃咗一堆情趣Game、公仔同制服，埋單嗰陣佢細細聲喺我耳邊話：「頭先買咗咁多情趣Game，我英文唔係咁叻，不如你今晚教我玩咯！」正所謂：「助人為快樂之本」，本來呢個忙我一定會幫，不過佢係Lucy嘅死黨，容乜易佢事後話畀Lucy聽o架，我先至冇咁蠢呀。最多買本字典送畀佢囉！

查詢：2449 4128

Sexyman's Profile

為人好色，但數口甚精，為購買女優寫真與情趣用品，經常四出格價，誓要以最Cheap價錢買得最正精品。