最近網上流傳一段情慾短片，片中一對情侶喺某屋邨梯間鬼混，認真世風日下。據我皮哥所知，呢段片並唔係新嘢，早幾年已經喺網上睇過，雖然好多人都以為係偷拍，之不過從拍攝手法嚟睇，我懷疑係自編自演嘅惡作劇。
講起惡作劇，就令我皮哥諗起朋友一個經歷。話說佢同成班朋友北上尋歡，佢哋去咗一間夜總會玩，成班男女喺房中盡情玩樂，愈玩愈顛，冇幾耐啲女仔剝晒光豬，期間有人一時貪玩，拎出手機拍下大家玩樂嘅情況。隔咗一段時間，呢段片畀人放咗上網，結果係點，朋友未有透露，之不過，我皮哥覺得貪玩拍片唔係好事，尤其係有女友或老婆嘅話，睇見段片，到時真係水洗都唔清。
皮哥簡介
永遠二十五歲，經常喺油尖旺出沒，綽號蠱惑收料王，座右銘係唔八唔知天下事。
歡迎讀者爆料交流
爆料熱線：3600 6688
傳真：3600 6800
地址：香港大埔工業邨大昌街23號東方報業中心
電郵：happy.sup@org.com.hk