呢啲有特別規矩嘅酒廊,日本玩家稱佢哋做「性感酒廊」(Sexy Bar)。呢種介乎普通酒吧同風俗店之間嘅場所,雖然設有陪酒服務,去到可以揀選心儀靚女陪酒,但卻規定玩家只能毛手毛腳,最多嚟個口部服務,但如果想有進一步嘅接觸,就唔使旨意。
嚴禁曳曳
縱然有咁特別嘅規定,但仍然吸引不少玩家捧場,而曾經去過呢啲「性感酒廊」玩樂嘅玩家田中先生解釋:「男人之所以鍾意去呢啲夜場玩,除咗可以方便男士喺度傾生意外,有部分玩家亦視佢做成人夜生活嘅入門場所,最重要係呢類酒廊裏面嘅陪酒女郎,質素相對其他風俗店為高,因此就算收費貴啲,呢類酒廊都愈開愈多。」
不過田中先生補充道,由於陪酒女郎及酒廊,只容許客人毛手毛腳,而嚴禁男士們帶佢哋出街關係,故此對一心諗住帶女去酒店短敍嘅玩家嚟講,就會覺得唔過癮。此外,因為呢類酒廊從外觀嚟睇,同風俗酒吧冇乜分別,所以另有所圖嘅玩家,喺入去前先要問清楚,免得到時敗興而回。
變裝誘人
齋睇冇得玩,就算可以抽水,質素再高都係假,而酒廊亦深明呢個道理,故不少酒廊都提供「變裝服務」。陪酒女郎會隨客人喜好,轉變唔同制服,例如賽車女郎、辦公室女郎、啤酒女郎、水手服等,投客人所好,玩起來自然更加投入。
另外,由於酒廊收費比較貴,因此陪酒女郎嘅收入,亦相對風俗孃陪酒嘅收入嚟得高。喺唔使出賣肉體,又有錢搵嘅情況下,陪酒女郎嘅質素甚高。此外,呢啲高質嘅陪酒女郎不但有樣有身材,談吐相對一般嘅風俗孃亦較為得體,對男士們嚟講有另類嘅吸引力,因而吸引到一啲想談感情、傾生意及摸杯底談心嘅男士幫襯。
私下交易
田中先生表示:「有客人視陪酒女郎為知心朋友,上去搵佢玩樂,並非單純為肉體快樂,更多時只係希望能夠搵個可以傾心事嘅朋友。當然,呢啲陪酒女郎嘅手技亦唔錯,喺飲到酒酣耳熱之際,享受佢哋手口服務所帶嚟嘅銷魂快感,亦係一種相當唔錯嘅享受。」
據田中先生表示,其實想同陪酒女郎有進一步親密嘅接觸,亦唔係冇可能,但一定要用時間去煲,直到陪酒女郎覺得同你可以有更深入嘅發展,佢哋先至會陪你出街。不過陪出街都唔代表可以同佢上床,最重要就係要冧掂對方先至可以成事。不過想煲得掂陪酒女郎都唔係易事,事關陪酒女郎嘅陪酒費相當乸脷,以最短嘅四十分鐘服務時間嚟計,就要六千日圓,折合約為五百港元,而呢個價錢仲未計酒水費用,絕對唔係想食快餐嘅客人杯茶!