收入驚人

有夜場經理話：「當紅小姐，年薪過百萬，仲未計恩客送車送樓作貼士，基本上只要係八、九十年代嘅紅牌，每個月最多返十日工，一年去八次旅行一啲都唔出奇！假如畀老闆睇中，包番一頭半個月，上岸後身家過千萬都好平常。」

「至於部分紅牌媽咪更離譜，只要有『紅牌』在手，單係帶小姐『轉會』，公司會有幾十萬作獎勵，若然媽咪肯簽長約，基本入息都超過五萬，公司仲會提供免費旅行及代繳稅金，簡直係打工皇帝。」

價格下調　走上末路

夜總會最賺錢嘅都係酒水，客人一坐低，一定會開幾支酒充撐場面。經理話：「當時四個人客一晚消費，最經濟都超過一萬蚊，而拔蘭地係夜總會嘅指定酒精飲品。因此酒商會主動同夜總會合作，提供贊助當做廣告，呢個亦係主要收入來源之一。」一間日式大場，閒日每晚人客至少都有三、四百人，扣除固定開支，如薪金、租金及「燈油火蠟」等，最高峰時期，每月可有過千萬利潤。

直到九七後經濟轉差，日式夜總會受到各種娛樂事業正面挑戰，不少以卡拉OK及拳手陪玩形式嘅夜總會開始殺入市場，日式夜總會生意受到嚴重打擊。其他夜總會為殺出血路，除不斷推出新招，如透視內衣、比堅尼以及無上裝T-back坐枱外，價錢亦大幅下調，令日式大場被迫割價，甚至推出套餐優惠保客，價錢與旺角的小型夜總會看齊。直到九十年代尾，日式夜總會開始式微，由澳門正式接軌，香港則進入「快餐」年代，K壓、馬檻、色情網吧等亦應運而生。