喺四仔界打滾咗四年嘅Caroline Cage，坦言入行當脫星嘅目的，除咗為搵快錢外，就係尋覓另一半。可惜，至今佢都未搵到真命天子，唔係因為四仔界冇多毛男，而係人哋唔愛佢啫！

欠持久力

問及Caroline點解對多毛男情有獨鍾，佢解釋：「由細到大我都好鍾意毛公仔，每晚我都會攬住嚟瞓，只要肌膚觸摸到毛毛嘅感覺，我至會有安全感。可能就係咁，我特別鍾情體毛旺盛嘅猛男，覺得佢哋好Man，同埋好有安全感。」

據知Caroline嘅初戀男友係一名多毛男，但點解最後會分手收場呢？Caroline就話：「初時我被佢旺盛嘅體毛深深吸引，仲主動追求對方。點知上床之後，發現佢嘅床上表現相當差勁，一啲持久力都冇，完全滿足唔到我，結果拍拖一個月後，我就提出分手。」

降低要求

為咗尋覓體毛旺盛兼持久力強嘅猛男，於是Caroline決定加入四仔界。佢話：「坦白講，我之所以加入四仔界當脫星，除咗為搵快錢之外，無非係想結識體毛旺盛兼持久力強嘅猛男，皆因做得男優，床上表現一定有番咁上下。但好可惜，符合條件嘅男優都已經有另一半，大家只能夠打吓友誼波，唔可以發展感情囉！其實，我都已經將擇偶條件降低要求，腳毛夠濃密我都接受o係！」咁希望Caroline早日覓得如意郎君啦！