為所欲為

已移居於四川嘅港人阿迪表示，當地近來興起另類茶室，客人去幫襯，目的當然唔係去歎茶，而係茶室提供嘅色情服務。阿迪話：「我係呢啲茶室嘅常客，客人清一色都係男人，因為大家都知道茶室不過係掛羊頭賣狗肉，表面經營茶室，實情係提供色情服務。當女服務員帶領客人進入獨立房間後，經理就會帶來一班既青春又略懂茶道嘅小姐供客人挑選，小姐們全部真空上陣，客人可以喺房內為所欲為。房內設有簡陋浴室及睡床，供客人與小姐溫存。」阿迪又話，呢啲茶室係同有勢力人士合資經營，絕對唔會有公安巡查，可以玩得放心。

折扣優惠

而茶室嘅收費不菲，基本套餐收取八百元人仔，可謂利潤甚高，難怪呢類茶室愈開愈多。阿迪表示：「茶室老闆為求吸引客人幫襯，推出優惠計劃，客人每次幫襯後可獲一個印章，儲齊十個印章後就可以免費享受一次茶道小姐嘅服務。另外，客人入會成為VIP會員，更可獲得八折優惠，鼓勵客人長期幫襯。既然咁着數，我都考慮成為VIP會員至得。」