26/09/2009

播放本新聞相關短片

全裸保齡賽波來波往好精彩

為咗幫自己嘅業界謀福利,好多工友都會成立公會,維護應有權益。美國成人娛樂業界亦唔例外,組織起保護成人福利基金幫助同業,最近佢哋仲搞咗一個有聲有「色」嘅保齡球比賽,搵咗好多女優表演「球」技籌款添!

香港地少人多,有地方又用晒嚟起樓,畀地產商炒到貴一貴,而佔地甚多嘅保齡球場亦買少見少!雖然保齡球喺美國熱潮已過,但依然有唔少人鍾意玩,仲不時會搞保齡球比賽添!而喺眾多保齡球比賽當中,就以今次為大家介紹嘅呢個全裸保齡球比賽最為出「色」!

全裸保齡球比賽係由美國嘅保護成人福利基金(PAWF)所舉辦,主要目的係為成人娛樂業界籌款,而今屆剛於日前在加州圓滿結束!當日場面盛大,吸引到好多市民捐款參與,當然,佢哋入場嘅目的除咗打波之外,梗係為咗睇「波」啦!場內有好多四仔女優全裸上陣大鬥球技,絕對係波來波往!

隨意參加

作為一個普通市民,如果想一睹四仔女優嘅風采,除咗睇四仔之外,機會真係唔多,幸好嘅係,歐美等地每年都會大搞性愛博覽、四仔旅行團等,畀機會普羅大眾同四仔女優共處。今次嘅全裸保齡球比賽就更加難得,因為呢個比賽會同時公開畀四仔女優以及市民參加,只要一人畀四十美元參賽費就可以!

一大班朋友一齊參加就仲平,五人隊伍嘅參賽費只收一百五十美元。雖然以上收費都唔係一個小數目,但係既可行善,又可以欣賞到一班四仔女優全裸上陣,以性感胴體為你打氣,勝出之後仲可以得到女優上前獻上香吻,抵到爛啦!

鬥大鬥圓

上文都提及過,參加比賽其實只係其次,因為入場欣賞四仔女優全裸上陣先係最精彩!美國四仔女優出晒名熱情奔放又冇顧忌,所以佢哋除咗會喺比賽嘅時候展現驚人體力之外,唔比賽嘅時候都一樣鍾意四圍搞搞震,例如捉其他人一齊合照,又或者揸住保齡球做出各種誘人動作。不過,最特別就係一班女優之間,往往會發生激鬥!佢哋要鬥嘅並唔係保齡球技術,而係自己嘅身材!

幾個女優一齊入場後,照例會笑住口咁嚟個合照,但係同行如敵國,女優同女優之間梗係會對大家眼超超,繼而過兩招,齊齊動手將大家身上僅餘嘅衣物剝走,然後嚟個波撞波,又或者係屁股撞屁股,睇吓邊個至係最大最圓潤!

分享球技

雖然女優之間惡鬥連場,但係一般都唔會發生流血事件,事後一樣會照樣比賽。不過,班女優又真係好抵死,一打到高分數,就會興奮到彈起,搞到自己個胸不停上下起伏。如果個波碌咗落坑,又會話:「唔制呀!」然後左擰右擰,以致雙峰左右搖晃。有部分更加鬼馬嘅女優,未碌個波出球道之前,仲會用下身向保齡球不斷搓磨,又或者用豐滿嘅雙峰夾吓個保齡球以壯聲勢,畫面真係誘惑呀!

雖然佢哋玩「波」咁叻,但係保齡球技術只屬一般,若然自問有兩道散手,不妨趁機上前教路,教得好嘅話,分分鐘有機會同女優一齊切磋「球」技㗎!

Max