喺四仔界打滾多年嘅Ashley Roberts，紅極一時，但近年阿妹嘅人氣已大不如前，本來佢可以考慮引退，但由於阿妹洗腳唔抹腳，辛苦嚟瘟疫去，令佢陷入財困，惟有繼續留低拍戲搵銀，而阿妹為咗挽回人氣，更作出突破性嘅演出，接拍重口味嘅題材。

密食當三番

Ashley話：「多年嚟我都飾演淑女角色，係時候要向難度挑戰一下，咁演技至會有進步！」但傳媒就唔留情咁寫衰阿妹，話佢如果唔拍重口味嘅題材，根本連戲都冇得拍咁話。對此，阿妹有理無理，總之有戲照拍，實行密食當三番！

之後，Ashley本來有意搵老闆投資搞吓生意，以個人名義推出性玩具用品，奈何連投資老闆都覺得Ashley無乜市場價值，結果個個都耍手擰頭。

激嬲攝影師

財不入急門，Ashley不但冇老闆願意泵水，連片約亦愈嚟愈少，以前平均每個月拍三套四仔，家陣兩個月至拍一部，而且仲唔係做女主角添。喺咁情況下，Ashley都自知唔掂，於是乎佢決定盡地一煲，邀請一位著名攝影師幫佢拍攝一輯超激寫真集，仲話將寫真集嘅部分收益捐作慈善用途。本來阿妹咁做可以吸引唔少熱心影迷支持，有機會藉此人氣反彈，可惜佢自己唔爭氣，最後拍唔成，好夢成空。

話說喺影樓拍攝期間，Ashley穿上一套緊身塑膠衫，點知阿妹突然有窒息感覺，最後頂唔住，決定改期拍攝。到第二日拍攝時，Ashley又話唔舒服，仲不適暈倒，要由工作人員送院治理。阿妹連續兩次發生問題，因而激嬲咗攝影師，唔再幫佢拍攝寫真。唉！連拍寫真咁簡單阿妹都搞到咁，睇嚟佢氣數已盡，想繼續喺四仔界發展都好難囉！

Ashley Roberts's Profile

年齡：25歲　三圍：34D-24-34　身高：5呎7吋