呢個《超級機械人大戰》系列，可以話係電玩迷嘅至愛，呢款遊戲幾乎喺所有電玩遊戲機平台都推出過，多年嚟都依然咁多人捧場。而裏面除咗有一啲大家都相當熟悉嘅人物外，仲有唔少原創角色，好似水羽楠葉就係《超級機械人大戰OG》中最受歡迎嘅索女！
好多電玩迷都鍾意水羽楠葉，覺得佢夠晒青春可人，所以有唔少相關產品推出。喺遊戲內嘅楠葉，雖然經常着背心短裙，但睇落唔算暴露，如今推出性感版首辦模型，令唔少Fans雀躍起舞。呢款模型以溫泉為主題，楠葉身上只圍上一條白色浴巾，露出雪白玉背，性感誘人，最有趣係左手拎住支迫擊炮，似乎同可愛嘅楠葉唔係太襯囉！
製造廠：Kyar
比例：1：8
全高：約12cm
推出日期：2009年12月
售價：6,800日圓（約HK$570）