以前會稱呼食軟飯嘅男人做「小白臉」，原來相學裏面，油頭粉面兼且成日紅粉緋緋嘅，喺相學上則叫做「郎君臉」。呢種面相嘅男人，異性緣特別好，而且性能力強，易得女性歡心。
不過桃花旺有時都唔係好事，因為「小白臉」以為自己天生異稟，極容易沉迷慾海，好易搞到身體過勞，如果多啲休息，減少房事，都會有好轉嘅一日，但如果不知節制，用啲唔正確嘅方法希望增強性能力，則只會令病情日趨嚴重。
所以相學歌訣中有句：「男子郎君壽不長」，就係指天生小白臉嘅男人，如果房事不知節制，最後就會「壽不長」，自命靚仔嘅男士們，真係要留意吓！如果生有「郎君臉」，再加埋人中又長又深，則代表性能力強兼且技巧高超，呢種人就更加要小心喇！
達達