男士們做適量運動，例如游水、跑步可以增強心肺功能，血液運行好，新陳代謝正常，精神自然爽利。但大家唔好誤會，身體正常唔代表做愛會持久啲，但至少可以增強性慾，做愛機會率都多幾倍，所以各位姊妹不妨鼓勵伴侶多做運動啦！

防性冷感

男士多做運動，能有助增強性慾，而女人則可以令血液循環加快，避免或減低性冷感情況出現。據歐美多份女性醫學報告指出，平日定時做運動嘅女性，出現性冷感嘅機會比冇做運動嘅少七成，主要係由於血液循環，可以令神經反應變得敏感，當一有身體接觸，自自然然就會興奮起嚟，咁仲邊有性冷感？

補充體力

想做愛如魚得水，單靠運動係未夠o架！當做完運動之後，由於能量消耗，所以必須攝取足夠嘅營養去補充體力。據中醫表示，腰果、雞蛋、鮮奶都係最常接觸而又有高營養嘅食品；另外，喺日常飲食方面，三餐不宜食過飽，應保持七成飽狀態，咁就可以長期處於精神爽利及高度集中，有助提升性興奮及女性快感。

物極必反

雖則話做運動百利而無一害，但性愛不能過多過劇，一旦過量，就會產生反效果，道理有如跑步或游水過分激烈，就會容易令肌肉過度疲勞，又或者拉傷筋骨一樣。

所以，做運動必須量力而為，並非所有運動都適合每一個人，例如做器械鍛煉、舉重等，如未受過訓練舉得太重，只會損害身體，做愛亦都係一樣，表現得過分激烈嘅話，分分鐘拉傷肌肉，萬一谷得太盡而導致重要部位斷裂，極大機會導致性無能，到時有心無力就更慘。