每個行業都有自己嘅搵食架生，廚師有菜刀、理髮師有梳同鉸剪，連乞兒都有一個乞兒兜。由於搵食架生係生財工具，所以唔可以立亂畀人搞，萬一有人唔小心郁動過，呢個人一定冇運行！
1.阿豪係一名年輕金融才俊，今日趁下午休市，就去到一個露天茶座歎咖啡兼睇報紙。
2.正當阿豪專心睇緊財經版，了解一下各大名家如何分析後市嘅時候，突然發現對面有人偷望自己。
3.偷望阿豪嘅正係靚女麗花，睇見麗花個樣笑得咁甜，就知佢畀阿豪吸引，搞到春心蕩漾啦！
4.正所謂心動不如行動，麗花雖然天生麗質，但係年紀亦唔細，所以一發現目標就即刻主動上前搭訕。
5.麗花一行埋去阿豪張枱，就即刻彎低身，唔通麗花想發動乳溝攻勢去迷惑阿豪？
6.原來麗花彎低身，係想用支唇膏將自己嘅電話號碼寫落阿豪份報紙度，呢個女仔好主動喎！
7.不過，麗花只係寫咗兩個數字，阿豪就拎起份報紙拍打麗花趕佢走。唉！鬼叫佢畫花阿豪份搵食架生咩！