其實呢啲農展會，每年喺美國各地都會舉行，一啲富有嘅地區，仲搞到好大陣仗，除咗吸引農產買家之外，仲可以吸引遊客，乘機搵多一筆。一啲收成較佳，又比較富裕嘅地方，當然有錢請模特兒充撐場面，就連一啲州際選美冠軍，亦都可以請到佢哋大駕光臨。但相對地，一啲冇咁富裕嘅城鎮小區，為咗慳錢，只好聯同其他地方小鎮一齊搞，佢哋嘅展期較短，而且亦冇靚女模特兒助陣，相對嚟講會較為遜色。

一拍即合

不過，一個展覽會如果只得幾個樸素農夫農婦喺度坐鎮，聽落已經唔吸引啦，加上規模又小，好難吸引到買家同遊客嚟參加，於是佢哋商量過後，都係決定以美色作招徠。

但呢啲窮鄉僻壤，想搵個靚女都難，而就算係小型展覽，最少都要十個八個靚女至夠照。搞手們曾經問過一啲三、四線嘅模特兒公司，收費貴不特止，仲冇乜囡囡肯接，於是就有人建議搵應召女郎代替。一嚟佢哋算係稍有姿色，二嚟價錢亦較平，決定後佢哋就聯絡咗一間平價應召公司。

呢間應召公司，囡囡大部分以中女為主，所以價錢一向都定得不高，加上平時Order不多，今次有人一次過肯包起十幾個囡囡，當然一拍即合，即刻安排咗班囡囡去做展銷小姐兼形象大使。

多勞多得

做過一次之後，反應好好，於是呢間應召公司就索性同呢啲農展會嘅搞手合作，定期派囡囡落鄉做農展會促銷大使。據其中一個囡囡Marsha講，公司安排佢哋接呢啲農展會Job，原來拆帳會比一般應召服務少，但勝在貼士多，加上唔使應付客人嘅無理性要求，所以唔少囡囡都願意接。

佢哋喺會場內會負責推銷產品，只要做成生意，仲額外有佣金分。喺多勞多得嘅誘因下，所以囡囡們都會搏命推銷產品，而所屬攤檔嘅檔主因為見到佢哋咁落力推銷，又會特別打賞佢哋，囡囡們每日收貼士都收到手軟，難怪佢哋咁鍾意做呢份工啦！

私下交易

Marsha又話，由於佢哋本身都係應召女郎，「職業病」關係，所以喺招呼來賓時，都會慣性地對來賓大送秋波，甚至借意挨近嚟促成生意，有受唔住誘惑嘅客人會私下問佢哋願唔願意搵外快。

Marsha話：「我哋平時喺巿區，雖然話過夜收二百蚊（美元），但有時只收一百蚊都未必有客，但喺呢度，因為客人唔知我哋係做應召女郎嘅，以為我哋只係一般促銷女郎，所以就算開價五百蚊一晚，佢哋都覺得物有所值。喺呢度做一個客等於平時喺市區做兩至三個客，所以我哋都好鍾意接呢啲Job。雖然啲客人會粗魯啲、急色啲，但有錢搵乜都冇所謂啦！」估唔到一班平時冇乜人吼嘅囡囡，去到鄉下地方竟然都好渴市，真係講都冇人信呀！