裝修殘舊

富哥表示一般休閒中心，揼骨加飛機餐只係收費百零蚊，但係呢間老字號休閒中心竟然收費一百九十蚊咁貴，以為服務同場內裝修都會比較好，但事實上係不知所謂！

佢話：「首先間場有十幾年歷史，喺日久失修下，啲裝修甩皮甩骨，仲有陣酸臭味，實在難頂。」富哥繼續話：「跟住就係啲經理服務態度好差，十問九唔應，唔會介紹服務同囡囡畀客人，總之帶咗客人入房後，其他嘢一概唔理，咁嘅服務態度，點得o架？」

服務差勁

之後，入房服務嘅技師亦令富哥相當不滿，富哥話：「個技師係一位四十歲嘅師奶，人老樣醜又冇身材，我即時要求換人，點知經理話唔夠技師，要換人就需要等多四十五鐘，而且換嚟嘅囡囡亦未必啱心水。」

喺咁嘅情況下，富哥無奈接受，點知呢個技師嘅服務態度非常差勁，富哥表示：「揼骨嗰陣一啲力水都冇，叫佢大力啲都係咁，揼得一啲都唔舒服，而且離譜到揼唔夠九十鐘就走人！」

富哥話咁都算，最興係個技師喺臨走前竟然問佢攞貼士，富哥當然唔畀，於是同個技師嘈起嚟，事後經理不但冇道歉，仲趕富哥走。富哥激氣話：「呢個場簡直不知所謂，我一定唔會再嚟幫襯！」