故事講述一個島嶼上戰亂頻生，而大國特斯杜蘭則實力最強，仲生產咗一班半人半妖嘅鬼震兵，成功吞併咗好多小國，最近矛頭則指向男主角弗朗茲嘅國家。幸好，呢個時候，國家又成功研發出利用魔力工學與人類結合而成嘅魔動裝兵，有效抵抗鬼震兵，而主要女角桃紅以及露露娜就係兩位戰鬥力驚人嘅魔動裝兵喇！

主要玩法類似普通AVG遊戲，由玩家控制男主角作為戰線後勤，一方面要同女角溝通，了解佢哋嘅需要，然後提供合適裝備；當然唔少得發展埋感情線，畀大家有機會欣賞到交歡場面啦！另一方面，當有戰事發生嘅時候，玩家就會轉為控制兩位女主角上戰場，以戰略遊戲形式打仗，到時就要考大家嘅戰略頭腦。希望大家可以成功保衞國家，兼且抱得美人歸啦！

遊戲名稱：《魔動裝兵》

系統支援：Win 2000/XP/Vista

預定發售日：10月2日

預定發售價：8,800日圓

　　　　　　（約HK$749）