早於十多年前，日式指壓喺香港色情行業佔有重要地位，亦係人肉市場中玩得最癲嘅一種。佢嘅全盛時期大約為九七年至二○○一年，於旺角、太子區一帶，高峰期約有近百間類似嘅場所。之不過樹大招風，日式指壓嘅出位玩法令行業興旺，但亦係令佢哋衰落嘅主要原因之一。
玩法出位
日式指壓出現初期，行內人俗稱為「老人院」，因為當時嘅日式指壓專門收留一啲被骨場踢出嚟嘅骨女，佢哋個個都年近四張，姿色不再，即使齋按摩，客人都照樣彈走。為咗餬口，佢哋惟有盡地一煲，於日式指壓場繼續迎送生涯。
當然，囡囡質素參差，客人都唔多願意幫襯，於是有人就諗出「三味」、「四味」，甚至係「五味」，以及3P、4P等出位玩法，加上佢哋開始引入一班又一班嘅北姑，個個都年輕貌美卜卜脆，當然令唔少男士暈晒大浪啦！而且當時日式指壓推行服務時間規定，包保客人可以盡享四十五分鐘嘅服務，唔似得啲馬檻咁，十幾分鐘就有人嚟敲門，催促客人盡快完事。此外，日式指壓嘅老闆更識得透過成人雜誌、鹹網等媒體廣泛宣傳，呢啲招數一出，果然平地一聲雷，唔少場晚晚都客似雲來，令唔少行內人出乎意料之外。
迅速衰落
直到○二年五月，發生咗轟動夜場嘅「火百合」事件，有關部門進行有史以來最大規模嘅打擊色情行業行動，昔日喺旺角、太子區呼風喚雨嘅日式指壓，於一夜之間冚旗。事件後，有關部門不斷追剿色情場所，幾乎每隔一日就行動一次，令日式指壓迅速沒落。