今年二十五歲嘅Lanny Barbie，佢嘅座右銘係：做人毋須太勤力！阿妹解釋：「由細至大我都唔明白，點解一個人要努力讀書，讀完中學大學仲要繼續進修，之後出嚟打工捱生捱死，我父母就係人辦。母親係家庭主婦，每日負責照顧我哋幾兄弟姊妹，爸爸算有學識，但由朝做到晚，一啲人生樂趣都冇。所以我發誓唔要再做佢哋嘅翻版，要走自己嘅路！」講得無錯，其實大部分人都係一樣，一生人都係得個做字，一直做到老做到死為止。

生意失敗

為咗要盡快搵錢退休歎世界，阿妹試過做生意，但最終損手收場，更因此欠下巨債，要父母代還，Lanny覺得好羞家，曾經想過放棄，穩穩陣陣打份工同嫁人算數。佢話：「喺我廿歲嗰年，我同朋友合資開舖頭做生意，點知唔夠半年就執笠。」

雖然生意失敗，但阿妹對退休歎世界嘅夢想始終無放棄，於是佢決定出外闖，可惜朋友一盆冷水向阿妹照頭淋，仲攞佢身材嚟開玩笑，話佢咁後生，身材又咁好，不如去做脫星啦！結果阿妹受唔住挑釁，真係買機票隻身飛到美國，然後自薦做脫星。

知慳識儉

初入行時，Lanny只係做啲三、四線大茄角色，後來佢得到公司同導演賞識，力捧佢做一姐，Lanny當然把握機會，每一次演出都搏晒老命，冇令人失望。至今，Lanny已演出超過六十套作品，可謂搵埋唔少，加上佢知慳識儉 ，成為圈中嘅小富婆。Lanny話：「只要我儲夠心目中嘅銀碼就會引退，邊個都留唔到我，到時我就可以歎世界啦！」

Lanny Barbie's Profile

年齡：25歲　

三圍：36G-24-36　

身高：5呎6吋