假日出動

長駐於上海分公司工作嘅港男阿洋表示，喺當地工作咗三年多，已完全適應當地人嘅生活方式，即使放假，佢亦唔願意回港休息，皆因佢覺得當地娛樂事業眾多，放假時可以相約朋友夜夜笙歌，根本唔需要回港消費，更重要係能輕易搵到一夜情對象。阿洋話：「雖然巿內有唔少夜店，但係對我嚟講，將女仔溝上手更有挑戰性，滿足感更大。據我所知，喺上海工作嘅女性，部分擁有高薪厚職，但係又冇合適嘅對象。有時佢哋不甘寂寞，夜晚會到酒吧消遣。所以好似我呢類鍾意四圍搵食嘅人士嚟講，每逢假日就係出動嘅好時機。」

條件優厚

阿洋表示，通常呢類女性較為喜愛成熟打扮嘅男士，一般西裝友好易得到佢哋嘅垂青。佢話：「當晚我結識到一個三十多歲嘅女人，之後更帶我去佢屋企過夜。原來佢住喺一間大宅，裝修相當豪華。完事後我同佢傾偈，先知道佢喺一間外資公司任職行政人員，出入以房車代步，只不過有時寂寞難耐，咪出去溝仔囉。之後我哋一直有聯絡，佢仲暗示想同我保持性伴關係，真係無端端飛來艷福呀！」