過了澳門一轉，發現不少新的東西。例如，即使碼頭是如何地擠滿了人，到禮賓部買夜場套票的人依然不多，那邊的舖租一向不便宜，可以想像大家捱得有幾辛苦。「係呀，以前主打賣夜總會、骨場飛，依家掉番轉，酒店、船飛先至係主力！啲夜場客去晒邊？真係唔知喎。」一位旅行社的員工跟我說。
在那邊，我還碰到一位相熟的骨場經理，他說，最近有不少Night Club囡囡轉了過來，原因嘛，當然是關「錢」一個字事。「以前啲Club豪客多，囡囡釣到一、兩個，真係月入幾十萬，兩、三個月上到岸嘅個案比比皆是。呢幾年，當然唔可以同以前比較啦。」他說，近一、兩年，浴室業雖然難改整體行業下滑的大趨勢，不過，相比起來，總算比夜總會好……
「依家好多Walk-in客上Club玩，真係唔會帶囡囡出街，劈完、唱完歌就行，啲女雖然都仲有番幾舊水嘅陪坐費，但囡囡喺澳門街返工，成本咁高，加埋轉數肯定冇桑拿咁高，畀你揀，係咪要跳槽先？」
事實是，現在即使是骨場，也有不少豪客捧場。