紐約一間餐廳自二○○五年起，每個月都舉行一次裸體聚餐活動，點解會有呢個構思呢？原來餐廳負責人知道當地有唔少人係天體活動愛好者，最鍾意就係去天體沙灘同度假村，為咗吸引佢哋幫襯，以及增加自己餐廳嘅知名度，於是就諗到呢個活動！呢個裸體活動雖然可以畀大家有機會大飽眼福，但其實仲有一個特別意義，就係體現人人平等。

有啲人為咗表現自己身份尊貴，食餐飯都要着到鬼咁隆重，而裸體聚餐就令每個人睇落一般平等，無分階級，食都食得特別自在。但計我話，若然大家發現場內有一個女性身材極好，而另一個則身材極差，唔係更加顯出不平等咩？

注意事項：

參加活動前先要加入天體愛好者組識，取得會員資格後，才有機會參與裸體聚餐。