生有獅子鼻嘅男人，個性比較固執，做事死牛一邊頸，係個唔識變通嘅人，當工作崗位裏面，如果客觀環境出現變數時，佢會係成班同事中，最先表示唔適應嘅一個，所以絕對唔可以創業做老闆，否則蝕硬。

佢哋最適合從事穩定嘅工作，例如係啲有門手藝嘅師傅、政府公務員、教師等。唯一好處就係人雖然固執，但心地善良，唔會有害人嘅心，所以有獅子鼻嘅人，咪以為佢會好似獅子咁威，其實係啱啱相反。