四仔片都講季節潮流，好似家陣熱到發瘟，片商為求令麻甩佬降溫，紛紛推出水戰系列，希望大家足不出戶都可以消消暑。點知脫星Tiffany Toth因為由朝到晚拍攝水戰場面，最後疲勞過度病倒，要休息三個月至可以復工呀陰功！ 入行三年多嘅Tiffany，自言任何題材嘅四仔都拍過晒，但最難頂就係拍水戰場面，皆因浸喺水中幾粒鐘，不但浸到皮都甩，仲搞到佢病咗添！
患重感冒
話說大約喺兩個月前，Tiffany喺公司老闆嘅豪宅內拍攝一套高清四仔，拍攝當日，由阿妹獨擔大旗，力戰七名壯男。第一場戲，導演就安排Tiffany 喺泳池同一個男優戲水，然後順理成章打水戰，可惜男優唔生性，拍到一半就投降，如是者由朝拍到晚，Tiffany浸到皺皮不特止，最重要係嗰場「池邊咬蔗」一定要完成，結果，Tiffany用盡畢生嘅口技功夫演出呢場戲，好彩之後亦告順利完成。奈何Tiffany當晚返歸休息時，就發覺頭暈身㷫，跟住仲發燒，於是要漏夜入院，結果證實因工作過勞而患上重感冒。
停工休養
Tiffany起初都好擔心感染豬流感，所以聽醫生講留院觀察，雖然後來證實並非豬流感，但病情並無好轉，之後更變成肺炎，醫生建議阿妹作全身檢查及停工三個月好好休養。導演知道阿妹患病消息，即時頭痕，事關女主角要休戰，男演員、場務、場景、攝影以及臨記全部都係錢，阿妹要休息兩個月，等同玩死公司，於是導演決定換人再拍過，呢鑊都算Tiffany黑仔囉！
Tiffany Toth's Profile
年齡：24歲
三圍：34D-24-34
身高：5呎4吋