有美國性學家指出，女性要得到高潮並唔易，假裝高潮只會影響與伴侶嘅關係，至於如何提升快感，從而得到高潮？以下就集合一啲性學家嘅意見，只要男女雙方互相配合，自然高潮在望。

做足熱身

女性要從性愛中得到高潮，跟對手嘅性愛技巧有莫大關係。喺正式交歡前，進行前奏，如愛撫、口舌服務等都係唔錯嘅方法，若然遇上口技了得嘅對手，不但可以紓緩女性嘅緊張情緒，更有機會體驗到欲仙欲死嘅刺激快感，話唔定未開戰就已經得到高潮！此外，充足熱身運動亦有助女性於性事中獲得高潮，不妨讓男伴盡情發揮，相信會有意想不到嘅效果。

探索姿勢

到埋身肉搏時，女方有可能因害怕而緊張起嚟，呢個時候，男方可以透過愛撫方法解決，除咗令女伴分散注意力，更可以提升快感。另一方面，由於每位女性嘅身體結構都不同，所以男方應採用不同嘅性愛體位，從各種嘗試之中搵出一個令女伴最興奮嘅姿勢，然後全力進攻，自然令女伴更易獲得高潮。

放下矜持

唔少女性喺床上都有所保留，導致未能全情投入其中。其實，要彼此得到真正性愛嘅喜悅，姊妹們就必須暫時放下矜持，例如要嘗試接受為男伴服務，又或者配合對方唔同體位動作，放開懷抱享受床笫之樂。另外，女性亦唔應該吝嗇叫床聲，開心就應該毫無保留咁盡情大叫，此舉動不但具有鼓舞作用，男伴更加會落力去刺激你，令你到達高潮為止。