鬥雞眼除咗會畀人笑之外，原來喺相學上嚟睇亦大有學問。其實「鬥雞眼」嘅成因有幾種：第一係由於視力有問題，近視、遠視、散光都有可能令患者瞇起雙眼，或眼球不自覺調整而側埋一邊。第二種係因為眼球肌肉拉力不平衡，令眼珠位置有所偏差。第三種原因不明，而且時有時無，相學家就認為，呢種不明所以嘅「鬥雞眼」，可通過修心、靜心去調理，休息多啲，「鬥雞眼」便自然會消失。
不過「鬥雞眼」者，絕大多數係醒目仔女，或多或少都有啲小聰明，如果將智慧用在正途，就一定會有所成就。女人有「鬥雞眼」，而又有「自戀小動作」則比較癡情。所謂「自戀小動作」，例如吮手指，聞腋下，呢種女人表面自戀，其實內心好想畀人錫，但又唔會主動向心儀男士表白，惟有盼望男人示愛，佢至會飛身撲出，投懷送抱。