男人愛人妻

喺舊日嘅大寨，如果有三十出頭嘅少婦當娼，老闆多數會「要求」囡囡扮成剛啱「守完孝」嘅慘樣，即係不施脂粉，穿着樸素，甚至頭戴白花，一副楚楚可憐模樣，就最能夠吸引嫖客「上釣」。點解？因為男人鍾意食「人妻」囉！

一向以嚟，「人妻」喺色情市場都係賺錢保證，就算依家都仍然有唔少囡囡以「大波少婦」、「淫賤住家菜」作招徠。而當時啲嫖客，為咗想成為第一個啅到寡婦嘅男人，都不惜一擲千金，晚晚捧場。但據知呢啲所謂「寡婦」，幾乎九成都係流嘅，只不過掛個名呃吓人，順便博吓同情咁啫！

激發保護欲

而除「寡婦」外，「孝女」亦好得客人歡心，特別係嗰啲聲稱賣肉葬父，被迫下海嘅囡囡，就更受客人歡迎。一來貪佢夠「新鮮」，二來男人都有種保護欲，想將呢種弱質女子一擁入懷，好好安慰。

不過守孝要百日，即一百日內不可「行房」，有鴇母就會同嫖客講：假如想同「守孝囡囡」溫存，可以先落訂，等到脫孝後就可上床，更會要求客人喺「孝女」守孝期間，要多多捧場開解，真係虧佢哋咁都諗得出。