有人話，Evelyn咁索，轉行做記者而唔做脫星真係嘥咗。對此，Evelyn就話：「入咗行做脫星之後，發覺無論做明星定脫星，好多時成敗嘅關鍵，並唔係喺自己嘅手中，而係喺記者嘅筆下，只要畀記者寫死你，就算你幾努力去演都冇用。」

被惡意批評

點解Evelyn會有咁深嘅體會呢？佢話：「有好多同行姊妹一直都好努力拍戲，希望可以闖出名堂，可惜被記者惡意批評，搞到導演唔再搵佢哋拍戲，最後要被淘汰，你話幾慘。」

Evelyn繼續話：「有個師姐喺四仔界努力多年，終於闖出名堂，後嚟佢唔知點解得罪咗個記者，對方就不斷寫衰佢，搞到佢人氣下滑，要減片酬至能保住飯碗咋，所以我想做一個富正義感嘅記者，為一班脫星平反。」

獲粉絲支持

對於Evelyn轉做記者，估唔到一眾粉絲極力贊成，唔通佢哋睇厭咗Evelyn嘅作品同寫真，想佢快啲收山？對此，Evelyn就話：「我啲粉絲睇厭嘅係一啲譁眾取寵嘅吹水新聞，所以好希望有一個富正義感嘅記者報道真相。」

轉行做記者報道真相，都係一件好事，如果Evelyn仲肯以性感示人，一邊報新聞，一邊剝衫，效果會更好添！

另外，Evelyn早前拍攝咗一輯噴血寫真，佢呼籲大家多啲支持同捧場。阿妹咁識把握機會做宣傳，將來唔做記者，轉做公關都一樣大有可為啦！