受個人遊歡迎

我一入去，兩個Sales就即刻喺度熱情介紹，照我估計，佢哋嘅客人大部分都係內地遊客。我借啲意問其中一個客人，點解會識嚟呢度買嘢，佢話呢間舖近佢哋入住嘅酒店，有日行過無意中發現。

我同店內兩個女Sales傾偈，知道原來佢哋有六成客人都係內地遊客，有好多係朋友買過之後介紹佢哋嚟買，我問佢哋嘅客人多數買邊類型產品，佢話以金屬味較輕嘅SM產品為主，例如毛毛手銬或仿真皮手銬就最受顧客歡迎。

以假亂真

另外一啲趣味玩意，亦係遊客嘅心頭好，例如安全套平安符，用嚟掛喺車頭可保佑行車平安，但當同女友停車溫馨時，亦可以為自己加添一份保障。因為內藏兩個安全套，緊急之時，認真啱用，據講佢哋買親都一打打咁掃貨，十分搶手。

另一類搶手貨品則係外形似十足支裝飲品嘅潤滑劑，就算畀朋友唔小心見到都可以話係飲品，減少尷尬。

查詢：2730 5633

Sexyman's Profile

為人好色，但數口甚精，為購買女優寫真與情趣用品，經常四出格價，誓要以最Cheap價錢買得最正精品。