唔講唔知，當地一啲小鎮嘅停車場內，早已裝設安全套自動售賣機，原來係為咗方便一眾追求刺激性愛嘅男女。每到黃昏時分，就會見到一架架汽車駕入停車場，之不過你唔會見到有人落車，反而冇幾耐就會見到內裏嘅汽車突然不停震動，相信唔需要多講都知發生乜嘢事，而對於呢種情況，當地人亦早已見慣見熟。

不過，有部分地區因為治安較差，為免影響生意，於是有停車場老闆索性聘請保安隊，保護嚟泊車嘅男女，讓佢哋可以安心於車廂內作戰。此外，由於停車場嘅人流多咗，竟帶旺埋附近嘅商店生意，如餐館、便利店、情趣用品店等。有部分店舖老闆表示，希望可以增設一啲多層式性愛停車場，等佢哋做多啲生意咁話。

收 費：25歐元/每小時

注意事項：露天性愛停車場收費並不便宜，如有保安兼有蓋頂嘅停車場，收費則更昂貴，就連場內附設嘅廁所，亦需要收取一歐元，抵唔抵玩真係見仁見智。