現年二十二歲嘅Stracy Stone，兩年前加入美國四仔界，憑住出眾外表同出色嘅演技火速上位。Stracy表示，喺未入行前，佢為咗賺錢，經常將啲物品放上網拍賣，但自從探訪過孤兒院後，令佢嘅想法完全改變。

增加收益

話說探訪當日，Stracy見到好多可愛嘅小朋友，得知佢哋全部都係被父母拋棄後，令佢好心噏，佢話：「我真係唔明白，點解啲父母可以咁狠心將自己嘅仔女遺棄，完全不負責任，若然唔想要小朋友，搞嘢嗰陣應該做足安全措施，咁咪唔使害咗下一代囉！」

Stracy好希望可以幫助呢班孤兒，於是諗出一個方法，就係將網上拍賣所得嘅收益捐畀佢哋。佢話：「為咗增加收益，我決定將啲內衣褲放上網拍賣，憑住我喺四仔界嘅知名度，一定吸引唔少網友搶購。」

原汁原味

得知Stracy搞網上義賣活動之後，唔少網友都表示支持，每日賣出十多條二手內衣褲，成績相當不錯。後來，Stracy發現衣櫃裏嘅內衣褲已賣得七七八八，於是佢就走去內衣店掃貨，但佢並唔係諗住以新貨代替二手貨去呃人，而係用另一個更出位嘅銷售方式，Stracy話：「我會先透過Web Cam喺網友面前自娛一番，之後，就以速遞方式送到對方手上，結果生意比之前仲多咗一倍。」Stracy果然有生意頭腦。

Stracy Stone's Profile

年齡：22歲

三圍：36E-26-36

身高：5呎5吋