以前唔明日本動漫迷點解對女僕咁情有獨鍾，不過睇真啲，女僕斯文嬌俏嘅模樣，又真係幾可愛嘅。為咗迎合熱愛女僕嘅動漫迷需要，不少漫畫都會有女主角以女僕形象出場嘅場景，就連一向走動作路線嘅人氣動漫《光明之風》，都順應潮流，今次介紹呢位純情巨乳女僕柯拉拉克蘭，就係當中一個好例子！
呢個女僕版嘅柯拉拉克蘭，其實出自《光明之風》最後作《聖露美娜絲學院光風祭騷動記》內嘅其中一幕。故事講述大戰過後，眾角色到現實世界展開校園生活，咁啱撞正校園祭，於是柯拉拉克蘭便以女僕裝扮表演。
故事係老套啲，但換上女僕裝嘅柯拉拉克蘭身材仍然相當有睇頭，超突出嘅巨乳不但冇被女僕裝埋沒，反而更覺驕人！而長裙下嘅吊帶襪，更讓人有股偷窺嘅衝動呢。
原型師：右藏
全高：200mm
售價：¥7,140（約HK$578）
發售日期：2009年11月