熟悉日本風俗界運作嘅朋友都知道，一般出張服務，囡囡係以時間長短嚟作收費，當中包括一般基本服務，如果客人有額外要求，就要另外畀錢，而變裝玩制服誘惑，就屬於額外服務之一。不過近期巿道不景，好多出張公司都加送變裝服務嚟吸引顧客，因為成本低，又可以滿足到有制服癖嘅客人需要。

加強競爭力

據一位風俗網站記者松野先生表示，因為巿道唔好，顧客即使有錢，都會諗過度過至玩，最好付出相若價錢，但囡囡質素高啲，時間長啲，提供嘅服務又多啲，而為咗吸引顧客，唔少風俗店都會加送額外服務，例如制服誘惑或免費延長服務時間等。

不過，由於出張公司一直以來都係以服務時間嘅長短嚟做收費標準，所以要加長服務時間，喺同風俗孃拆帳方面就好易有拗撬，所以有部分出張風俗店都寧願將一啲以往需要額外收費嘅服務免費送畀客人，以加強競爭力。

松野話：「有老闆同旗下風俗孃商量過後，決定加送變裝服務嚟吸引客人，一來囡囡唔使擔擔抬抬咁做一輪額外功夫，二來客人可以用一個價錢，享受兩種風味嘅風俗服務，而且變裝服務喺額外收費中最平嘅一種，老闆唔會有好大損失。」

造型冇得揀

據松野表示，以往客人幫襯出張風俗店，係按時間長短嚟收費，期間採取無限連發制，只要你體力好，喺指定時間內做幾多次都冇問題。如果體能稍遜但又想盡興嘅，可以買個「大鐘」，Book囡囡二百分鐘，期間就可以無限連發。

而以往喺冇換裝嘅情況下，囡囡着便裝去到酒店，剝衫之後就開始服侍客人，一直到夠鐘為止，但加入埋變裝服務之後，客人就可以先玩便裝Look，之後再叫囡囡變裝，然後再玩埋下半場。

但松野話，通常囡囡變裝後，套制服係唔會剝晒嘅，因為咁樣先至夠誘惑，不過據講因為呢個變裝服務係額外贈送嘅，所以客人唔可以自由選擇制服種類，大多數都係以女僕、醫護人員造型為主，如果想玩其他主題，就要畀多少少錢當係選擇費。

長途客激增

松野先生話：「由於客人可以用一個價錢享受到兩種唔同嘅風味，所以服務一推出後，都引起幾大回響，就連買鐘嘅時間亦長咗，以前大部分客人都係買六十分鐘嘅短途客，依家則多咗買九十分鐘或以上嘅長途客。」

由於反應太好，好多出張風俗店嘅老闆都紛紛倣效，松野話：「自從加送變裝服務後，最受影響嘅，當然係一啲以Cosplay為賣點嘅出張風俗店啦，生意跌咗接近兩成。有Cosplay風俗店諗住以減價嚟迎戰，點知對方玩變裝之餘，仲索性玩埋角色扮演遊戲，實行要將Cosplay風俗店嘅生意搶過嚟，睇怕好快又會掀起新一輪搶客戰。」