話說Sammie飽讀詩書，但成年後竟然冇向寫作呢條路發展，反而未經父母同意，貿貿然加入四仔界當脫星，家人同親朋戚友都對Sammie呢個決定感到失望，畀阿妹激死！

志在搵快錢

貴為現時美國四仔界炙手可熱嘅脫星，勢估唔到Sammie原來咁有文學修養，咁點解阿妹會選擇做脫星呢？Sammie解釋：「人人都認為我當脫星嘅決定係錯嘅，甚至因為我當脫星而疏遠我。其實，我之所以投身四仔界，無非係為咗豐厚嘅片酬啫！」

要搵錢有大把方法，都唔一定要出賣肉體先得！Sammie就話：「爸爸係一位雜誌編輯兼專欄作家，雖然收入叫做穩定，但並不富有，每個月都要為供樓供車供養老婆仔女而煩惱，因此我明白到單靠寫作或打工的話，好難維持生計，於是我定要先賺到第一桶金，毋須再為餬口奔波時，至開始追求自己嘅理想！」

寫作靈感多

原來Sammie加入四仔界，背後係有清晰目標嘅，咁都好難怪阿妹未經家人同意就入行，未知阿妹將來有乜目標呢？

佢就話：「我引退後最想出書。而喺圈中嘅經歷，畀到我好多寫作靈感，例如一般人都誤以為脫星嘅男女關係好混亂，其實同男優肉搏只係為咗工作，喺鏡頭後，大家都互相尊重，絕不會毛手毛腳做出過分舉動。又例如大家都好想知道，脫星會否同男優發生真感情？老闆係咪會利誘脫星發生不道德關係等等，呢啲題材相信都會引起好多讀者好奇。」假如Sammie真是出書爆料，多數會賣斷市，但肯定會得罪唔少人囉！

Sammie Rhodes's Profile

年齡：24歲

三圍：34F-24-34

身高：5呎5吋