舒適稱心

呢個商場係灣仔好多潮人嘅熱蒲點，場內集合晒影音、精品以至電玩產物，所以場內經常都人來人往。而我去到呢個商場嘅二樓一逛，於一個轉角位，見到有日本三仔檔口，欣賞完一輪之後，一轉身就發現到一間情趣用品店，梗係要入去睇吓有冇筍貨啦！

安全套飾物精美又實用，掛喺身以備不時之需就最Fit喇！	特色潤滑劑果香誘人，仲帶嚟視覺刺激添。	$19嘅震蛋，去邊度搵？

入到去，發覺呢度裝修雖然唔算靚，但係勝在簡約舒適，而且貨品擺放得相當整齊，一邊係日本貨，一邊係歐美貨，一邊就主要放震蛋，擺位十分清楚。

特平筍盤

我喺店內搵到一隻超平震蛋，呢隻震蛋雖然外形簡單，又冇家陣最興嘅七種震動功能，但係力度適中，十九蚊就有交易，簡直係平通中港澳！

我仲搵到兩款極具特色嘅安全套飾物，兩款都相當精美，仲整到好似平安符一樣，掛喺身上既可以裝飾，亦可以備不時之需，最啱就係鍾意蒲吧嘅朋友喇！因為，大家都唔知邊一次蒲吧會遇到一夜情對象嘛！除此之外，呢度嘅潤滑劑亦有唔少選擇，最特別係一系列色彩鮮艷又有不同果香味嘅潤滑劑，買返屋企同老婆用，一定可以令房事變得更加精彩！

電話：5166 6004

Sexyman's Profile

為人好色，但數口甚精，為購買女優寫真與情趣用品，經常四出格價，誓要以最Cheap價錢買得最正精品。