正常人，平時冇嘢做，個口係會自然合埋嘅，但有啲人只要一放鬆，又會咀擘擘，畀人睇到晒啲牙。有呢種情況嘅男人，除咗望落唔雅觀之外，原來喺相學嚟講，亦係大忌，呢種人對感情之事，看得很輕，可以話係貪新忘舊，朝秦暮楚。
相書話有呢種相嘅男人，精神懶散，做事草率，辦事效率極差，加上反應遲鈍、意志力薄弱而且欠缺耐性，想成功都難。除咗自己做人做事一團糟之外，連帶感情生活都麻麻，對感情唔識得珍惜，勉強走埋一齊，最終只會分手收場。
如果男士露齒再加埋嘴細，咁就真係冇得救，做事欠主見，反應遲鈍，勉強做決定，更會不分輕重，萬一成為老闆或者管理層，只會令公司陷入萬劫不復嘅情況。如果有朋友嘴形如此，認真要勸導佢咪輕易談戀愛，免得害人害己。